Понедельник, 13 ноября 2023

ІІМ Қарағанды академиясының қабырғасында журналист, тележүргізуші, редактор, продюсер, Құрмет орденінің иегері, сондай-ақ, Қазақстан тарихы туралы көптеген танымал бағдарламалар мен деректі фильмдердің авторы Майя Бекбаева курсанттармен кездесті.

Кездесу барысында Майя Төлегенқызы алғашқы қазақ елшілерінің бірі, дипломат Нәзір Төреқұлов туралы түсірген деректі фильмін курсанттар мен офицерлер назарына ұсынды.

Нәзір Төреқұлов — бұл есім көпшілікке белгісіз, алайда оның тағдыры миллиондаған адамдар мен ірі мемлекеттердің өміріне әсер етті. Оның өмірбаяны батырлық пен патриотизмге толы, оны қазақ дипломатиясының негізін қалаушы деп атауға болады.

«Қазіргі заманғы сұрақтарға көптеген жауаптарды тек өткен тарихымыздан табуға болады. Біздің тарихымыз ұлы, себебі оны ұлы адамдар жасаған. Біз, бабаларымыз Ұлы далада ғажайып өркениет жасаған елміз. Олар үшін ең бастысы ұлт пен мемлекеттің мүдделері болған. Олар ортақ идея үшін, ортақ арман үшін өз өмірлерін құрбан еткен нағыз батырлар»- деп айта кетті Майя Төлегенқызы.

Ұлттық рухты қажетті биіктікке көтеру үшін біздің шынайы тарихымыздың, мәдениетіміздің, дініміздің қандай екенін айқын сезінуіміз және өскелең ұрпаққа жеткізуіміз қажет.

Кездесу соңында Академия жеке құрамы қызықтыратын сұрақтарын қойып, қойылған сұрақтарға толық және мәнді жауап алды.

Сондай-ақ, Майя Бекбаева ІІМ Қарағанды академиясының курсанттары арасында өткен «Жігіт сұлтаны — 2023» байқауын тамашалап, әділ қазы мүшесі болды.