Қазақстан Республикасының құқық қорғау органдарының өзара іс-қимылы аясында ағымдағы жылдың 27 ақпанында Қазақстан Республикасы ІІМ Б.Бейсенов атындағы Қарағанды академиясының жалпы заң пәндері кафедрасы ҒПМ 1 курс магистранттарына және алғашқы даярлық курсының тыңдаушыларына «Қазақстан Республикасында жасырын тергеу әрекеттерін жүргізу кезінде адам құқықтарын қамтамасыз ету мәселелері» тақырыбында дәріс ұйымдастырылды. Аталған дәрісті Қазақстан Республикасының Бас прокуратурасы жанындағы Құқық қорғау органдары академиясының арнайы заң пәндері кафедрасының аға оқытушысы, әділет кеңесшісі Р.А. Медиев онлайн режимде оқыды. Дәріс оқу барысында дәріскер жасырын тергеу әрекеттерін жүргізу кезінде құқық қорғау органдары қызметкерлерінің адам және азамат құқықтарын сақтау мәселелерін қозғады, нормативтік-құқықтық базаны қарастырды.