Пятница, 9 января 2026

Қазақстан Республикасы ІІМ Бәрімбек Бейсенов атындағы Қарағанды академиясының 1-курс курсанттары 2025 жылғы 15 желтоқсан мен 2026 жылғы 10 қаңтар аралығында «Қазақстан тарихы» пәнінен мемлекеттік емтихан тапсыруда.

Бұл емтихан курсанттардың Қазақстан тарихы бойынша алған теориялық білімдерін жүйелеуге және тарихи оқиғаларды талдау қабілеттерін бағалауға бағытталған. Емтихан барысында курсанттардың білім деңгейі мен аналитикалық ойлау қабілеттері тексеріледі.

Мемлекеттік емтихан Қазақстан Республикасы ІІМ Бәрімбек Бейсенов атындағы Қарағанды академиясының бастығы бекіткен комиссия мүшелерінің қатысуымен, белгіленген талаптар мен академиялық адалдық қағидаттарын қатаң сақтай отырып өткізілуде. Бұл комиссияның құрамына тәжірибелі оқытушылар мен саланың білікті мамандары кіреді.

Курсанттарға емтиханды сәтті тапсыруға тілектеспіз! Олардың табысты нәтижелері болашақтағы кәсіби қызметтерінде маңызды рөл атқарады деп сенеміз.

Обновлено: 09.01.2026 15:14