Четверг, 11 сентября 2025

Қазақстан Республикасы ІІМ Бәрімбек Бейсенов атындағы Қарағанды академиясы академиялық ұтқырлық бағдарламасы шеңберінде Өзбекстан Республикасы Қоғамдық қауіпсіздік университеті мен Қырғыз Республикасы ІІМ академиясының курсанттарын қабылдады. Бұл іс-шара тәжірибе алмасуға, кәсіби дүниетанымды кеңейтуге және құқық қорғау органдарының болашақ офицерлері арасындағы достық байланыстарды нығайтуға зор мүмкіндік береді.

Курсанттар бірлескен оқу сабақтарына қатысып, академиядағы білім беру үдерісінің ұйымдастырылуымен, материалдық-техникалық базасымен, сондай-ақ Қазақстанның мәдениеті мен дәстүрлерімен танысуда. Мұндай кездесулер ішкі істер органдары үшін білікті кадрларды даярлау саласындағы халықаралық ынтымақтастықты дамытуға ықпал етеді.