Среда, 10 сентября 2025

«Әділдік жолы» пилоттық жобасы аясында Қазақстан Республикасы ІІМ Бәрімбек Бейсенов атындағы Қарағанды академиясы жедел-іздестіру қызметі кафедрасының оқытушысы, полиция майоры Шаймуханов Аян Ахметқалиұлы Нұркен Әбдіров атындағы жалпы білім беретін мектепте маңызды кездесу өткізді. Бұл іс-шараның негізгі мақсаты — балаларды зорлық-зомбылықтан қорғау және кәмелетке толмағандар арасындағы құқық бұзушылықтың алдын алу.

Кездесу барысында өскелең ұрпақтың құқықтық мәдениетін қалыптастыру, олардың құқықтық санасын арттыру мәселелері талқыланды. Сонымен қатар, құқық бұзушылықтардың алдын алу және жастардың есірткі құралдарын қолдануға және таратуға тартылуына жол бермеу бағытында түсіндіру жұмыстары жүргізілді. Бұл шаралар жас ұрпақтың құқықтық сауаттылығын арттыруға және олардың болашақта заңға қайшы әрекеттерден аулақ болуына ықпал етеді.