Понедельник, 28 июля 2025

Қазақстан Республикасы ІІМ Бәрімбек Бейсенов атындағы Қарағанды академиясына арнайы қонақ ретінде Қазақстан Республикасы Ішкі істер министрлігінің тәлімгерлер кеңесінің мүшесі, “Генералдар кеңесі” республикалық қоғамдық бірлестігінің Президиум төрағасы, генерал-лейтенант Сәрсеков Бексұлтан Сәрсекұлы келді. Бұл кездесу жас курсанттарымыз үшін үлкен тәлім мен тәрбие мектебі болды. Генерал-лейтенант өзінің өмірлік тәжірибесімен, қызметтік жолындағы өнегелі істерімен бөлісіп, құқық қорғау саласында қызмет етудің маңыздылығы мен абыройы туралы кеңінен әңгімеледі. Кездесу барысында патриотизм, адалдық, кәсіби жауапкершілік, азаматтық ұстаным секілді қасиеттердің құқық қорғау қызметіндегі орны ерекше екендігі атап өтілді. Осындай тағылымды кездесулер болашақ офицерлердің рухани және кәсіби қалыптасуына серпін беретіні сөзсіз. Еліміздің болашағы білімді, ұлтжанды, тәртіпті ұрпақтың қолында екені айқын.