Суббота, 16 августа 2025

2025 жылғы 15 тамызда Қазақстан Республикасы ІІМ Бәрімбек Бейсенов атындағы Қарағанды академиясында қылмыстық құқық және криминология кафедрасының бастығы, полиция полковнигі Мұхамадиева Гүлнара Жақсыбайқызын зейнеткерлікке шығарып салуға арналған салтанатты іс-шара ұйымдастырылды. Гүлнара Жақсыбайқызы өзінің кәсіби өмірін Қазақстан Республикасы ІІМ Бәрімбек Бейсенов атындағы Қарағанды академиясымен 30 жылдан астам уақыт бұрын байланыстырып, еңбек жолын лаборант қызметінен бастады. Оның жоғары кәсібилігі, мақсаткерлігі және өз ісіне адалдығының арқасында кафедра меңгерушісі лауазымына дейін өсіп, қылмыстық құқық және криминология саласында беделді маман атанды. Еңбек жолында Г.Ж. Мұхамадиева Қазақстан Республикасы ІІМ Бәрімбек Бейсенов атындағы Қарағанды академиясының жетекші ғалымдары мен педагогтарымен, соның ішінде И.Ш. Борчашвили, Р.Б. Күлжақаева, Н.М. Әбдіров және басқа да ұстаздармен бірлесе жұмыс істеп, жоғары оқу орнының ең үздік ғылыми және білім беру дәстүрлерін қабылдап, оларды дамытты. Оның басшылығымен кафедра білікті кадрларды даярлауға, ғылыми зерттеулерді дамытуға және білім беру бағдарламаларын жетілдіруге елеулі үлес қосты. Гүлнара Жақсыбайқызының кәсібилігі, принципшілдігі мен жоғары адамгершілік қасиеттері оған әріптестері мен білім алушылар арасында зор құрметке бөленуге мүмкіндік берді. Қазақстан Республикасы ІІМ Бәрімбек Бейсенов атындағы Қарағанды академиясының басшылығы Г.Ж. Мұхамадиеваға көпжылдық адал еңбегі, жоғары кәсіби біліктілігі және білім беру үдерісін дамытуға қосқан зор үлесі үшін шынайы алғыс білдірді.