Пятница, 14 ноября 2025

Қазақстан Республикасы ІІМ Бәрімбек Бейсенов атындағы Қарағанды академиясының жалпы заң пәндері кафедрасының аға оқытушысы әрі топ кураторы, полиция подполковнигі А.Б. Қожасованың ұйымдастыруымен 107-оқу тобының курсанттары үшін мазмұнды кураторлық сағат өткізілді.

Бұл іс-шараға кәсіби даярлық факультетінің 3-курс, 305-оқу тобының аға курсанттары арнайы шақырылып, кіші курсанттарға нысанды киімді дұрыс үтіктеу мен күтіп-ұстауға арналған практикалық кеңестерімен бөлісті.

Сабақ барысында олар:

• шалбар қырын мінсіз түсірудің әдістерін;
• әртүрлі маталарға арналған температуралық режимдерді;
• булап және құрғақ үтіктеуді тиімді үйлестіру тәсілдерін;
• қауіпсіздік техникасының маңызды талаптарын егжей-тегжейлі түсіндірді.

Бұл тәжірибелік сағат жас курсанттарға киім тәртібін ғана емес, жинақылықты, жауапкершілікті және өзіне талап қоя білуді үйретті. Енді олар сапқа тек сыртқы келбетімен емес, ішкі тәртібімен де дайын болып шығады.

Іс-тәжірибесімен бөлісіп, үлгі көрсеткен 305 оқу тобының курсанттарына алғыс білдіреміз!

Тәртіп, ұқыптылық, бірізділік — Академия курсанттарының айқын келбеті.

Обновлено: 14.11.2025 21:15