Қашықтықтан оқыту тобы оқу үдерісін қашықтықтан білім беру технологияларын пайдалана отырып ұйымдастырады. Электрондық оқулықтарды, мультимедиялық курстарды, әдістемелік құралдарды әзірлеу, сатып алу және игеру бойынша кеңестік көмек көрсетеді, тестілеу жүйесін және білімді бақылау құралдарын басқарады, қашықтықтан білім беру технологиялары үшін ақпараттық ресурстарды пайдалану бойынша түрлі әдістерді әзірлейді, сондай-ақ қашықтықтан оқытуға арналған бағдарламалық, ақпараттық және техникалық құралдарды әзірлеуге, игеруге және оларды пайдалануды қолдауға қатысады.

Қашықтықтан оқытудың негізгі міндеті – барлық білім алушылар санаты үшін үздіксіз және қолжетімді білім беру үдерісін қамтамасыз ету.

Қашықтықтан оқытудың функциялары – бұл жүйенің негізгі құндылықтарын сақтауға және дамытуға көмектесетін сипаттамалар. Қашықтықтан оқытудың негізгі функциялары: гуманистік, нормативтік, рефлексивтік және жобалау функциялары.

Қашықтықтан оқытудың мақсаты – үздіксіз білім алуға жағдай жасау және оның сапасын сақтай отырып, білім берудің мүлдем жаңа қолжетімділік деңгейін қамтамасыз ету.

Қашықтықтан оқыту тобы оқу үдерісінің қатысушыларының өзара әрекеттестігі арқылы білім алушыларға барлық қолжетімді заманауи телекоммуникациялық құралдарды пайдалана отырып әдістемелік көмек көрсетеді.