Среда, 9 июля 2025

2006 жылғы түлектер Қазақстан Республикасы ІІМ Бәрімбек Бейсенов атындағы Қарағанды академиясын бітіргендеріне 15 жыл толуына орай білім ордасына арнайы келіп, сағынышқа толы кездесу өткізді. Бұл іс-шара барысында түлектер өздерінің бұрынғы оқытушыларымен және курс жетекшілерімен қайта жүздесіп, студенттік жылдардағы естеліктерімен бөлісті. Сонымен қатар, Академия аумағын аралап, қазіргі күнгі жетістіктермен танысты. Мұндай кездесулер болашақ офицерлердің рухы мен жігерін нығайтып, кәсіби сабақтастықты жалғастыруға ықпал ететіні сөзсіз.