Сәрсенбі, 11 Мамыр 2022

Қазақстан Республикасы Білім және ғылым министрлігінің 2022 ж. 11 мамырдағы куәлігіне сәйкес Қазақстан Республикасы ІІМ Б.Бейсенов атындағы Қарағанды академиясы ғылыми және (немесе) ғылыми-техникалық қызметтің субъектісі ретінде аккредиттелді.

АККРЕДИТТЕУ БІЗГЕ НЕ БЕРЕДІ?

Жоғары оқу орындарының ғылыми және (немесе) ғылыми-техникалық қызметтің субъектісі ретінде аккредиттелуі оларға өз мамандықтары бойынша ғылыми конкурстарға қатысуға мүмкіндік береді. Аталмыш куәлік Академияға «Ұлттық қауіпсіздік және әскери іс» мамандық тобы, сондай-ақ мемлекеттік құпияларды қамтитын тақырыптар бойынша ғылыми зерттеулер жүргізу бойынша мемлекеттік бюджет қаражаты арқылы ғылыми-техникалық қызмет конкурстарына қатысуға құқық береді.

Келіп түскен қаражатты ғылыми зерттеулер жүргізу үшін, сондай-ақ Академияның материалдық-техникалық базасын әрі қарай жетілдіру мақсатында пайдалану жоспарланып отыр.