Сенбі, 14 Қазан 2023

Құрметті академияның профессорлық-оқытушылық құрамы!

         Қазақстан Республикасы Ғылым және жоғары білім министрлігі «Жоғары оқу орнының үздік оқытушы» (әрі қарай – Конкурс)конкурсын хабарлайды.

         «Жоғары оқу орнының үздік оқытушысы» конкурсы туралы қағида» (бұдан әрі – Қағида) Қазақстан Республикасы Білім және ғылым министрінің міндетін атқарушының 2015 жылғы 16 наурыздағы № 124 бұйрығымен бекітілген.

         Конкурсқа қатысу үшін жоғары және (немесе) жоғары оқу орнынан кейінгі білім беру ұйымдарының штаттық оқытушылары қатарынан үміткерлер өз құжаттарын Қазақстан Республикасы Ғылым және жоғары білімминистрлігінің Ақпараттық жүйесі арқылы тапсырады.

         Конкурстың I кезеңі 2023 жылдың 1 қарашасынан басталып,                        2023 жылдың 10 қарашаға дейін жалғасады.

         Конкурстың I кезеңіне қатысу үшін ЖОО-ның штаттық оқытушылары қатарынан үміткерлер Қазақстан Республикасы Ғылым және жоғары білім министрлігінің ақпараттық жүйесіарқылы (universitycontest2023.iac.kz.) келесі құжаттарды тапсырады:

1) осы Қағидалардың 1-қосымшасына («Жоғары оқу орнының үздік оқытушысы» конкурсы туралы қағида») сәйкес «ЖОО-ның үздік оқытушысы» атағын беру конкурсына қатысу бойынша үлгідегі өтінім;

2) осы Қағидалардың 2-қосымшасына («Жоғары оқу орнының үздік оқытушысы» конкурсы туралы қағида») сәйкес сапалық және сандық көрсеткіштерге сәйкес мәліметтер (нақты мерзімі көрсетілген тармақтарды қоспағанда, соңғы 5 жылдағы мәліметтер);

3) осы Қағидалардың 3-қосымшасына («Жоғары оқу орнының үздік оқытушысы» конкурсы туралы қағида») сәйкес жылдық жұмыс жоспар-кестесі;

4) кадрларды есепке алу жеке іс парағы;

5) жеке басын куәландыратын құжаттың көшірмесі.

         Байқаудың II кезеңі 2023 жылдың 17қарашасынан басталып, 2023 жылдың 15 желтоқсанына дейін жалғасады.

         Сонымен қатар, Қазақстан Республикасы Ғылым және жоғары білім министрлігінің ақпараттық жүйесін қолдану бойынша нұсқаулық universitycontest2023.iac.kz сайтында жарияланатын болады.

         Өтінім беру мәселелері бойынша оқу-әдістемелік орталығынан кеңес алыңыздар (309 кабинет).

Оқу-әдістемелік орталығы