Жұма, 2 Маусым 2023

Кеше біздің дәстүрлі “Өз ағашыңды отырғыз” акциясына Академиямыздың 2003 жылғы түлегі, Қарағанды облысы бойынша Мемлекеттік кірістер департаментінің басшысы Әнуар Маратұлы Мәдиев қатысты. Қаланың экожүйесін қолдау — Қарағанды академиясының миссияларының бірі. Қазіргі таңда 222 дана ағаш отырғызылған. Академия аумағына “Blue diamond” сортының көгілдір тікенді шыршасы отырғызылды, ол бірнеше жылдан кейін біздің бақшамызды безендіретін биік, әдемі ағашқа айналады.

Әнуар Маратұлы Академияға өркендеу мен даму тілеп, біздің курсанттарымызға қоғам үлкен үміт артып отырғанын атап өтті.

Біз қонақтарға дәстүрлерімізді қолдағаны үшін алғыс айтамыз және олардың ағаштарына тиісті күтім жасауға уәде береміз ?