Жұма, 28 Наурыз 2025

2025 жылғы 27 наурызда Ресей ІІМ Уфа заң институтымен «Цивилистика және сабақтас құқықтар мәселелері» атты ғылыми үйірмесінің бірлескен отырысы онлайн форматта өтті. Іс-шараны жалпы заң пәндері кафедрасының аға оқытушысы полиция полковнигі Г.А. Әубәкірова және кафедра оқытушысы полиция майоры Н.А. Шарова ұйымдастырды.

Отырыстың мақсаты-ішкі істер органдарының қызметінде азаматтық құқық нормаларының құқық қолданылуын зерделеу және ғылыми байланыстарды дамыту. Курсанттар азаматтық құқықтың өзекті мәселелері бойынша баяндамалар ұсынып шарттық қатынастарды құқықтық реттеуді, мүліктік құқықтарды қорғауды және ішкі істер органдарының азаматтық-құқықтық дауларға қатысуын талқылады.

Сонымен қоса, Ресей мен Қазақстан ІІМ білім беру мекемелері арасындағы ынтымақтастықты жалғастырудың маңыздылығы атап өтілді. Қатысушылар ғылыми және кәсіби байланыстарды нығайту үшін тұрақты кездесулердің қажеттілігіне сенім білдірді.