Дәстүрлі түрде әлем чемпионы, полиция майоры Руслан Мұқановты еске алуға арналған қоян-қолтық ұрыстан халықаралық турнир өтті
Дүйсенбі, 26 Желтоқсан 2022
23-25 желтоқсанда Қостанай қаласында дәстүрлі түрде әлем чемпионы, полиция майоры Руслан Мұқановты еске алуға арналған қоян-қолтық ұрыстан халықаралық турнир өтті.
Турнирге 130-дан астам спортшы, 17 команда, оның ішінде Ресей мен Қырғызстан командалары қатысты.
67 келі салмақ дәрежесінде 3-курс курсанты, полиция сержанты Алайдар Құрбанбек алтын алды, ол қоян-қолтық ұрыстан спорт шебері атанды.?
Күміс медальді спорт шеберіне үміткер, 2-курс курсанты, полиция кіші сержанты Қаликанов Нұрасыл жеңіп алды.?
Қарағанды облысының командасы жалпы командалық есепте екінші орынға ие болды.
Жеңіске жеткен барлық курсанттарды құттықтаймыз! Кафедра доценті Болат Құлтаевты ерекше атап өту керек. Ол ҚР бірқатар спорт шеберлерін тәрбиелеген, сонымен қатар курсанттарымызды да қажымай жаттықтырып келеді.
