Среда, 9 июля 2025

2025 жылғы 10 маусымда Қазақстан Республикасы ІІМ Бәрімбек Бейсенов атындағы Қарағанды академиясының криминалистика кафедрасы «Жедел-криминалистикалық қызметті жаңғырту» тақырыбында халықаралық дөңгелек үстел ұйымдастырды. Бұл іс-шараға Әзербайжан, Өзбекстан, Қырғызстан Республикаларының және Ресей Федерациясы ІІМ академияларының, сондай-ақ Алматы академиясының және Қазақстан Республикасы ІІМ Басқару академиясының өкілдері қатысты. Дөңгелек үстел қазіргі заманғы жағдайларда жедел-криминалистикалық бөлімшелер алдында тұрған өзекті мәселелерді талқылауға және тәжірибе алмасуға арналған маңызды алаңға айналды. Іс-шараның қорытындысы бойынша криминалистикалық қызметті жаңғырту, оқу және тәжірибелік бөлімшелер арасындағы ынтымақтастықты дамыту, сондай-ақ ғылыми көзқарастың құқық қорғау жұмысындағы рөлін күшейтуге бағытталған нақты ұсыныстар жасалды. Мұндай іс-шаралар халықаралық өзара әрекеттестіктің және құқық қорғау даярлығы мен тәжірибесінде күш біріктірудің маңыздылығын айқын көрсетеді.