Сейсенбі, 16 Мамыр 2023

Бүгін Ішкі істер министрі полиция генерал-полковнигі М. Ахметжановтың тапсырмаларын іске асыру мақсатында ІІМ Қарағанды академиясында Қарағанды облысы ПД басшылығымен бірлескен кездесу өткізілді. Аталған іс-шараға Қарағанды облысының ПД бастығы полиция генерал-майоры С. Әділов, Қарағанды облысының ПД бастығының орынбасары полиция полковнигі Е. Қалиақпаров және Академия бастығы полиция генерал-майоры А. Дәрменов қатысты.

Кездесуде киберқылмыстар мен отбасылық-тұрмыстық қатынастарға байланысты қылмыстар, қылмысқа қарсы күресте құқық қорғау органдарының қызметін дамытудың маңызды бағыттары қаралды. Қазіргі кезеңде құқық қорғау органдарының түрлі қылмыстардың алдын алуға және жолын кесуге бағытталған жұмыстарды жетілдіру тәсілдері талқыланды.