Жұма, 3 Қараша 2023

ІІМ Қарағанды академиясында маңызды оқиға, ынтымақтастық туралы жасалған меморандум шеңберінде «Seven Hills Intelligence» IT-компаниясы зақымдалған цифрлық құрылғыларды қалпына келтіруге арналған жабдықты, деректерді алу және талдау жөніндегі аппараттық-бағдарламалық кешенді, сондай-ақ деректерді байыту жөніндегі аппараттық-бағдарламалық кешенді ұсынды.

Осыған байланысты, бүгін Академияның профессор-оқытушылар құрамы мен курсанттары үшін киберқауіпсіздік және ақпараттық технологиялар кафедрасы «Seven Hills Intelligence» IT-компаниясының мамандарымен бірлесіп цифрлық дәлелдемелерді қалпына келтіруге, алуға және талдауға бағытталған оқу сабақтарын өткізді.