Ішкі істер министрлігінің Қарағанды академиясында жас ғалымдардың ғылыми форумы басталды.
Сәрсенбі, 14 Сәуір 2021
12 сәуір, Қазақстанның ғылыми қауымдастығы Қазақстан ғылымы күнін атап өтетін күн, Қазақстан Республикасы Ішкі істер министрлігінің Б.Бейсенов атындағы Қарағанды академиясында «Қазақстан Республикасы Тәуелсіздігінің 30 жылдығындағы заң ғылымының жетістіктері» атты жас ғалымдардың ғылыми форумын бастады. Форум қашықтан форматта 2021 жылдың 12 сәуір және 17 сәуір аралығында өтеді, оның құрамында екі ғылыми-теориялық конференция және заң ғылымының өзекті мәселелері бойынша бірқатар дөңгелек үстелдер бар. Форум «Заң ғылымының қазіргі заманғы тенденциялары» атты жас ғалымдардың Халықаралық ғылыми-теориялық конференциясымен басталды.
Конференцияға қатысушыларды құттықтай отырып, Ішкі істер министрлігі Қарағанды академиясының бастығының м.а. з.ғ.к., доцент, полиция полковнигі Абеуов Е.Т. іс-шараның өзектілігін атап өтті:
«Конференцияда талқыланған тақырыптар ғылыми-педагогикалық құрамды ғана емес, сонымен қатар тәжірибелік қызметкерлерді де қызықтырды. Осы конференцияда талқыланған мәселелер заң ғылымының дамуына ықпал етеді және нәтижесінде заң шығару тәжірибесін жетілдіруге септігін тигізетіндігіне сенемін »
Халықаралық конференцияға шетелдік полиция университеттерінің, қоғамдық бірлестіктердің және мемлекеттік ұйымдардың өкілдері қатысты. Жас ғалымдардың баяндамаларында қазіргі кезеңдегі жалпы және жеке құқық салаларында заң ғылымының жетістіктері көрініс тапты.
Өткізілген іс-шара халықаралық ғылыми ынтымақтастықты дамытуға ықпал етеді.
