Сәрсенбі, 29 Наурыз 2023

Кеше Қарағанды академиясына Қазақстан Республикасы ІІМ және Ұлттық ұлан ардагерлер кеңесінің төрағасы, милиция генерал-майоры Болсамбеков Өмірзақ Қоспанұлы келді. Академия ардагерлерінің басын қосып, олардың ішкі істер органдарының жас қызметкерлерімен тәрбие жұмысын жүргізу, Академияның қоғамдық өміріне қатысуы жайлы, сондай-ақ, ішкі істер органдарының ардагерлерін зейнетақымен қамтамасыз ету, әлеуметтік төлемдер төлеу бойынша сұрақтар талқыланды.

Кездесу соңында Академия бастығы Ақынқали Дәрменов ардагерлер кеңесінің оқу орнының игілігі үшін үлкен жұмыстар атқарып жатқанын, Академияның қоғамдық өміріне белсене қатысып, құнды тәжірибелерімен бөліскендері үшін алғысын білдірді.