Жұма, 15 Қазан 2021

Қазақстан Республикасы ІІМ Б. Бейсенов атындағы Қарағанды академиясы 2021 жылғы 29 қазанда «Криминалистикадағы инновациялық технологиялар» атты халықаралық ғылыми-практикалық конференциясын өткізеді.

Конференция жұмысында мынадай өзекті мәселелер талқыланады:

• жоғары технологиялар саласында жасалған қылмыстарды тергеп-тексерудің негізі ретіндегі «Forensic» цифрлық криминалистика;
• жеке тұлғаны сәйкестендірудің заманауи мүмкіндіктері: биометрия, бейнесурет, ДНҚ және т.б.;
• криминалистикалық ақпараттық жүйелерді дамыту: BLOCKCHAIN, BIG DATA, нейрондық желі;
• криминалистикалық зерттеулер: жай-күйі және даму перспективасы.

Форумға қатысу үшін мемлекеттік органдардың басшылары, сондай-ақ халықаралық ұйымдардың, Түркия, Қытай, Үндістан, Ресей, ТМД-ның басқа да елдерінің мамандандырылған жоғары оқу орындарының өкілдері және ғалымдары шақырылды.

Алдағы іс-шара белгіленген проблемаларды шешудің тиімді жолдарын анықтауға мүмкіндік береді деп ойлаймыз.