Дүйсенбі, 11 Қараша 2024

Бүгін Академиямыздың профессорлық-оқытушылық құрамы мен курсанттары полиция генерал-майоры Өмірзақ Құспанұлы Болсамбеков пен қазіргі заман қаһармандарын салтанатты түрде қарсы алды. Қаһармандарымыз курсанттарымызбен кездесіп, өздерінің жүрекжарды әңгімелері мен ерекше тәжірибелерімен бөлісіп, жастарға өмірлік маңызды сабақтар берді. Олардың батылдығы, отансүйгіштігі және адалдықтары курсанттарымыз үшін зор үлгі болып, болашақта еліміздің нағыз қаһармандары болуға деген ынталарын арттырды.

Концерттік бағдарламада оларға құрмет көрсетіліп, алғыс хаттар мен бағалы кітаптар сыйға тартылды. Бұл шара барысында болашақ ұрпақтың алдында жансая тағылымы мен тәрбие мәселелері талқыланып, курсантарымыздың бойында Отанға деген мақтаныш пен жауапкершілікті қалыптастыруға үлкен ықпал жасады.

Бұл күн біздің Академиямыз үшін аса маңызды әрі жарқын оқиға болып қалды. Қаһармандарды құрметпен шығарып салу рәсімімен аяқталған шара біздің жас ұрпақтың жүрегінде ұзақ уақытқа қалары сөзсіз.