Среда, 9 июля 2025

Қазақстан Республикасы ІІМ Бәрімбек Бейсенов атындағы Қарағанды академиясында Қазақстан полициясы күні қарсаңында дәстүрлі "Менің әкем, анам – полицей" атты балалар шығармашылық байқауы ұйымдастырылды. Бұл ерекше шара балалық қиял мен шынайы құрметтің тоғысқан алаңы болып табылады. Жас суретшілер өздерінің шығармаларында ата-аналарының ішкі істер органдарындағы қызметін үлкен мақтанышпен бейнелеп, олардың еңбегіне деген құрметтерін көрсетті. Әрбір сурет бала жүрегінен шыққан алғыс пен сенімнің айғағы ретінде көрініс тапты. Байқау балаларға өздерінің шығармашылық қабілеттерін көрсетуге мүмкіндік беріп, ата-аналарының қызметіне деген мақтаныш сезімін оятты.