Жұма, 7 Наурыз 2025

Оқу-саптық бөлінісінің взвод командирі полиция лейтенанты А.Әбдіқайым Қарағанды қаласындағы Талғат Бигелдинов атындағы «Жас ұлан» мектебінің 11-сынып оқушыларына кәсіби бағдар жұмыстарын жүргізді. Кездесу барысында Қарағанды академиясының артықшылықтары, оқу бағдарламалары, ішкі істер органдары саласындағы қызметтің маңыздылығы және қабылдау шарттары туралы толық ақпарат берілді. Сондай-ақ, полиция қызметкері болудың жауапкершілігі мен мәртебесі түсіндіріліп, академияда білім алудың мүмкіндіктері жан-жақты баяндалды. Кездесу барысында оқушыларға ішкі істер органдарындағы қызметтің маңыздылығы, Қарағанды академиясында оқудың артықшылықтары мен тәртібі туралы жан-жақты ақпарат берілді. Полиция лейтенанты А. Әбдіқайым Академиядағы оқу бағдарламалары, әскери-құқықтық дайындықтың ерекшеліктері мен тәртіп сақшысы болудың жауапкершілігі жөнінде айтып өтті.

Сондай-ақ, оқушыларға оқуға түсу шарттары, іріктеу кезеңдері мен болашақтағы мансаптық мүмкіндіктер туралы түсіндірілді. Кездесу барысында олар өздерін қызықтырған сұрақтарға толық жауап алып, полиция қызметкері болудың қыр-сырымен танысты.