Сәрсенбі, 22 Қаңтар 2025

Қазақстан Республикасы ІІМ Б. Бейсенов атындағы Қарағанды академиясының бастығы полиция полковнигі Биекенов Нұрлан Амангелдіұлы мен ҚР Әділет министрлігі «Сот сараптамалары орталығы» РМҚК филиалы Орталық өңір бойынша аймақаралық сот сараптамалары орталығының директоры Картов Мирболат Әмімұлы ынтымақтастық туралы меморандумға қол қойылды. Аталған меморандумға қол қоюдың мақсаттары – болашақ мамандар мен курсанттардың кәсіби дағдыларын дамытуға жәрдемдесу, профессорлық-оқытушылық құрамның біліктілігін арттыру, ғылыми-зерттеу қызметін тиімді дамыту, ғылыми зерттеулердің теориялық және практикалық маңыздылығын арттыру, сондай-ақ өзара іс-қимылды нығайту.

Бұл ынтымақтастық құқық қорғау органдарына кәсіби бағыт-бағдар беру және кадрларды даярлау саласында ұзақ мерзімді байланысты орнатуда үлкен маңызға ие.