Сейсенбі, 11 Мамыр 2021

Қазақстан Республикасы ІІМ Б. Бейсенов атындағы Қарағанды академиясының қылмыстық құқық және криминология кафедрасының профессоры, заң ғылымдарының докторы Айдарқан Байдекұлы Сқақов 2 курс курсанттарына «Қазақстан Республикасы Ішкі істер органдарындағы сыбайлас жемқорлыққа қарсы іс-қимыл» тақырыбында дәріс оқыды.

Дәріскер өз сөзінде сыбайлас жемқорлыққа қарсы күрес бұл – мемлекет саясатының басты міндеттерінің бірі екенін, осыған байланысты әрбір ұйымда, мекемелерде және жалпы қоғамда сыбайлас жемқорлыққа қарсы іс-қимыл әрбір азаматтың борышы және міндеті болып табылатынын атап өтті.

Дәріс аясында сыбайлас жемқорлыққа қарсы саясатты іске асыру, мемлекеттік қызмет жүйесіндегі сыбайлас жемқорлыққа қарсы іс-қимыл және құқық бұзушылықтардың алдын алу, сондай-ақ сыбайлас жемқорлыққа қарсы мәдениетті насихаттау тетіктері талқыланды.