Сәрсенбі, 5 Наурыз 2025

Қарағанды академиясының курсанттары «Киелі шаңырақ» қарттар үйіне барып, оның тұрғындарына концерт ұйымдастырды. Бұл күні жүрекке жылы тиер өлеңдер оқылып, ізгі сөздер айтылып, ерекше әсерге толы әуендер орындалды.

Қарттардың көздерінен өткен жылдардың ізі, естеліктері мен үнсіз мұң байқалды. Олар терең ойға батып, үнсіз тыңдады, ал кейбіреулері көз жасына ерік берді. Курсантар тек өнер көрсетіп қойған жоқ – олар мейірім мен жылулық сыйлап, үлкендердің жанын жадыратты. Кейде бір сәттік кездесу де адам жүрегін жылытып, оны ұмытылмас сәтке айналдыра алады.