Понедельник, 18 августа 2025

<p>2025 жылғы 16 тамызда Қазақстан Республикасы ІІМ Бәрімбек Бейсенов атындағы Қарағанды академиясында «Жалпы білім беретін пәндер» кафедрасының профессоры Кусайнова Маржангүл Амантаевна алғашқы кәсіптік даярлық курсының тыңдаушыларына «Алғашқы психологиялық даярлық» модулі аясында «Дактильді және ыммен сөйлеу тілі» тақырыбында дәріс өткізді.</p> <p>Сабақтың негізгі мақсаты — тыңдаушылардың коммуникативтік қабілеттерін дамыту, айналадағы адамдармен сенімді қарым-қатынас орнатуға үйрету, сондай-ақ кәсіби және күнделікті өмірде ым тілін тиімді пайдалану жолдарын меңгерту болды. Тыңдаушылар ым тілі мен дактильдік сөйлеу негіздерімен танысып, бұл дағдылардың құқық қорғау органдары қызметіндегі маңызды рөлін терең түсінді.</p>