Сейсенбі, 28 Қаңтар 2025

Қарағанды академиясының басшылық құрамы кураторлармен кездесу өткізді. Кездесу барысында курсанттардың тәртібін нығайту, оқу процесін жетілдіру және тәрбиелік жұмыстарды тиімді ұйымдастыру мәселелері талқыланды. Басшылық кураторлардың атқарып жатқан жұмыстарының маңыздылығын атап өтіп, олардың курсанттардың кәсіби және жеке тұлғалық дамуына қосып жатқан үлесін ерекше атап өтті. Сонымен қатар, курсанттардың жауапкершілігі мен тәртіптілігін қалыптастыру, білім алушылардың мотивациясын арттыру және тәрбиелік жұмыстарда жаңа әдістерді енгізу бойынша ұсыныстар айтылды.

Кадрлық жұмыс бөлімінің инспектор-психологы, полиция майоры Жүнісова Мерей Қайырқызы “Құқық қорғау органдары қызметкерлерінің мінез-құлқын психофизиологиялық зерттеу” тақырыбында дәріс оқыды және кураторларға психологиялық диагностика, стресс жағдайындағы қызметкерлер мен курсанттардың мінез-құлқының ерекшеліктері мен оларды түзету әдістері бойынша өзекті ақпаратты жеткізді.