ҚР ІІО реформалауға көмек көрсету
Сенбі, 2 Сәуір 2022
29-30 наурыз аралығында Қарағанды академиясында Қазақстан Республикасының Ішкі істер министрлігі Біріккен Ұлттар Ұйымы Есірткі және қылмыс басқармасымен бірлесіп «Қазақстан Республикасының Ішкі істер органдарын реформалауға көмек көрсету» тақырыбында дөңгелек үстел өткізді.
Аталған іс-шараға Біріккен Ұлттар Ұйымы Есірткі және қылмыс басқармасының, Қазақстан Республикасы Ішкі істер министрлігінің және ведомстволық оқу орындарының өкілдері қатысты.
Іс-шара нәтижелері бойынша Біріккен Ұлттар Ұйымы Есірткі және қылмыс басқармасымен өзара іс-қимылда халықаралық стандарттарға сәйкес ведомстволық білім беруді жетілдіру, түрлі тренингтер өткізуге, оның ішінде профессорлық-оқытушылық құрамды кәсіби дамытуға, полиция мен қоғам, БАҚ арасындағы қатынастарды жақсартуға, полицияға қоғамдық сенімді нығайтуға бағытталған ұсынымдар әзірленді.
