Жұма, 28 Ақпан 2025

2025 жылғы 26-27 ақпанда ҚР ІІМ Б. Бейсенов атындағы Қарағанды академиясының криминалистика кафедрасының доценті полиция майоры А.Е. Туткушев Талдықорған қаласы мен Өтенай ауылындағы оқу орындарының 11-сынып түлектерімен кәсіби бағдар беру кездесулерін өткізді. Кадет сыныптарының оқушыларына Қарағанды академиясының оқу жүйесі, түсу талаптары және білім алудың артықшылықтары туралы жан-жақты ақпарат берілді. Академия студенттеріне тегін жатақхана, шәкіртақы, медициналық қызмет, әскери және еңбек өтілін есептеу, оқу аяқталған соң офицерлік атақ пен жұмысқа кепілді орналасу мүмкіндігі ұсынылатыны түсіндірілді. Осындай кездесулер жастарды ішкі істер органдарында қызмет етуге ынталандырып, олардың кәсіби бағдарын айқындауға ықпал етеді.