Сәрсенбі, 5 Мамыр 2021

2021 жылғы 5 мамырда «Таза табиғат» ұлттық жобасын іске асыру шеңберінде ІІМ Қарағанды академиясының «KPA ECOсlub» экологиялық клубы Қарағанды қаласының экологиялық мұражайымен және Үштөбе кентінің жалпы орта білім беретін мектебінің оқушыларымен бірлесіп алма бағына жеміс ағаштарын отырғызды.

Барлығы 30 ағаш отырғызылды, онда заманауи су үнемдеу технологиялары қолданылды: топыраққа гидрогель енгізу және ағаш бұтақтарын агрофибрмен жабу. Бұл материалдар топырақта ылғалды ұзақ уақыт сақтауға мүмкіндік береді және осылайша көшеттердің ұласып өсу деңгейін арттырады.

Осындай іс – шараларға қатысу-бұл біздің сүйікті қаламызды көгалдандыруға өз үлесімізді қосуға және жас ұрпаққа қоршаған табиғи ортаға ұқыпты қарау мәдениетін сіңіруге тағы бір мүмкіндік береді.