Бейсенбі, 13 Ақпан 2025

2025 жылғы 30 қаңтарда академия курсанттары «2025 жылдың үздік студенттік жұмысы» XVII Халықаралық ғылыми-зерттеу жұмыстары байқауына қатысып, өз білімдерін сынады. Байқау Ресей Федерациясының Пенза қаласында өтті.

Бұл беделді ғылыми сайыста академиямыздың атынан:
– Қалманбек Асылбек – 4-курс курсанты;
– Жанкелді Әлиби – 3-курс курсанты, өз зерттеу жұмыстарын қорғады.

Жұмыс жалпы білім беру пәндері кафедрасының профессоры М.А. Құсайынованың жетекшілігімен орындалды.

Байқау нәтижесі бойынша курсанттарымыздың жоғары деңгейі лайықты бағаланып, II дәрежелі дипломмен марапатталды, ал ғылыми жетекшісі М.А. Құсайынова студенттердің ғылыми жұмыстарына қосқан үлесі үшін алғыс хатқа ие болды.

Курсанттарымыз бен олардың ғылыми жетекшісін жеңісімен құттықтаймыз! Оларға болашақта үлкен жетістіктер мен жаңа белестерді бағындыруды тілейміз!