Четверг, 19 июня 2025

Қазақстан Республикасы ІІМ Бәрімбек Бейсенов атындағы Қарағанды академиясының қызметкерлері жаңа оқулықтар әзірлеп, оларды көпшілікке таныстырды. Бұл бастама заң мен тәртіп идеологиясын жүзеге асыру, азаматтық жауапкершілік пен құқықтық мәдениетті қалыптастыру жолындағы маңызды қадам болып табылады. «Қазақстан Республикасы Конституциясына 30 жыл — 30 жаңа оқулық» жобасы аясында академия оқытушыларының авторлық оқу құралдарының тұсаукесері өтті. Ұсынылған еңбектер құқық қорғау саласындағы білім беру сапасын арттыруға бағытталған және келесі пәндерді қамтиды: Қазақстан Республикасының конституциялық құқығы, шет елдердің конституциялық құқығы, Қазақстан Республикасы ішкі істер органдарының жедел-іздестіру қызметі, Қазақстан Республикасының әкімшілік құқығы, және Қазақстан Республикасының қылмыстық-процестік құқығы.