Жұма, 28 Ақпан 2025

2025 жылғы 27 ақпанда Қазақстан Республикасы ІІМ Б. Бейсенов атындағы Қарағанды академиясының қабырғасында Ұлы Отан соғысы жеңісінің 80 жылдығын мерекелеу қарсаңында «Қазақстан Республикасының Азаматтық құқығы» (ерекше б.) пәні бойынша «Қазақстан Республикасының азаматтық құқығын білесіз бе?» тақырыбына жоғары оқу орындары арасында викторина өткізілді.

Викторинаға 3 команда қатысты: Қазақстан Республикасы ІІМ Б. Бейсенов атындағы Қарағанды академиясының командасы – «Юридические Ассы», Е.А.Бөкетов атындағы Қарағанды зерттеу университетінің командасы – «Форс-мажорки», Қазтұтынуодағы Қарағанды университетінің командасы – «Де Юре».

Викторина 5 турда өткізілді. Сайыс барысында қатысушылар өздерінің теориялық білімдерін, практикалық дағдыларын және әр заңгер өзінің кәсіби өмірінде кездесетін әртүрлі жағдайларда азаматтық құқықты қолдану қабілетін көрсетті; командаларда жұмыс істеді; құқықтық мәселелерді шешті; практикалық жағдайларды талдады және азаматтық құқық нормаларын қаншалықты жақсы меңгергендіктерін көрсетті.

Жүлделі орындар келесідей бөлінді:
1 орын-«Форс-мажорки»;
2 орын – «Де Юре»;
3 орын – «Юридические Ассы»

Балаларды құттықтаймыз және алдағы уақытта да жетістіктер мен жеңістер тілейміз!