Пятница, 22 декабря 2023

Кәсіптік бағдар беру — табысты болашаққа маңызды қадам

Қарағанды облысы бойынша үздік жоғары оқу орындарының басшылары кездесті. Меморандум аясында ІІМ Қарағанды академиясының бастығы Ақынқали Дәрменов Академик Е.А. Бөкетов атындағы Қарағанды университетінің Заң факультетінің студенттерімен кездесіп, кәсіптік бағдар беруге бағытталған іс-шара өткізді

Іс-шара барысында Академия бастығы алғашқы кәсіби даярлық курсымен таныстырып, даярлау бағыттарына толықтай шолу жасады. Сондай-ақ оқуға түсу кезеңдері мен қабылдау талаптарын егжей-тегжей түсіндірді. Кездесудің ең қызықты да, қызулы өткен тұсы студенттердің оқуға түсу мүмкіндіктері мен болашақ атқаратын кәсіби қызмет туралы болды.

Кездесу соңында студенттер өздерінің қызықтыратын сұрақтарын қойып, толықтай жауап алды.