Пятница, 12 декабря 2025

Қазақстан Республикасы ІІМ Бәрімбек Бейсенов атындағы Қарағанды академиясы Қазақстан Республикасының Тәуелсіздік күніне орай Қарағанды облысының жоғары оқу орындары арасында өткен «Менің Қазақстаным» атты облыстық патриоттық әндер байқауына белсенді қатысуды жалғастыруда. Академиямыздың атынан 305-оқу тобының курсанты Ағдариева Ақбөпе мен 208-оқу тобының курсанты Есембет Лунара өз өнерлерін көрсетіп, байқауға қатысушылардың назарын аударды.

Курсанттарымыздың орындауы отансүйгіштік рух пен ұлттық құндылықтарды дәріптеудің жарқын үлгісі болды. Олар өздерінің өнері арқылы Қазақстанның бай мәдени мұрасын және патриоттық сезімдерін көрермендерге жеткізе білді. Бұл байқау жастардың шығармашылық қабілеттерін дамытуға және ұлттық мәдениетке деген сүйіспеншілікті арттыруға бағытталған маңызды іс-шаралардың бірі болып табылады.

Қазақстан Республикасы ІІМ Бәрімбек Бейсенов атындағы Қарағанды академиясы осындай іс-шараларға қатысу арқылы курсанттардың жан-жақты дамуына және олардың патриоттық тәрбиесіне ерекше көңіл бөледі. Бұл байқау курсанттарымыздың өнерін шыңдап, олардың болашақта ел игілігі үшін қызмет етуге деген ынтасын арттырады.

Обновлено: 12.12.2025 22:18