Понедельник, 12 января 2026

2026 жылғы 9 қаңтарда Қазақстан Республикасы ІІМ Бәрімбек Бейсенов атындағы Қарағанды академиясында «Заң және тәртіп» бағдарламасы аясында 308, 309, 310 оқу топтарының курсанттарымен РҚБ «Құқықтық көмек және медиация орталығы «Ықпал және құқық»» өкілдерінің кездесуі өтті.

Кездесуге спикерлер ретінде Орталық директоры Омаров Марлен Маратович, басшының орынбасары және кәсіби медиатор Лавренюк Евгений Евгеньевич, сондай-ақ басшының көмекшісі Васильев Сергей Витальевич қатысты.

Кездесу барысында келесі мәселелер қарастырылды:

• құқықтық көмек пен медиацияның заңдылықты қамтамасыз ету және құқық бұзушылықтардың алдын алу жүйесіндегі рөлі;
• медиатор қызметінің құқықтық негіздері және Қазақстан Республикасында медиация рәсімін қолдану тәртібі;
• медиация жүргізудің кезеңдері: дайындық, тараптармен байланыс орнату, мүдделерді айқындау, келіссөз процесі, келісімді әзірлеу және бекіту;
• медиация тәртібімен ең жиі шешілетін даулар санаттары (отбасылық, еңбек, азаматтық-құқықтық, тұрмыстық жанжалдар және т.б.);
• құқық қорғау органдарының құқықтық көмек көрсету орталықтарымен және медиаторлармен өзара іс-қимылы, азаматтарды медиацияға жолдау мүмкіндіктері;
• Орталық тәжірибесіндегі практикалық кейстер (типтік жағдайлар, тараптардың жиі жіберетін қателіктері, келісімге қол жеткізу шарттары);
• медиатордың кәсіби қызметіне қойылатын этикалық стандарттар мен талаптар, құпиялық және еріктілік қағидаттары.

Сонымен қатар, спикерлер курсанттардың қатысуымен ситуациялық тапсырмаларды талдау жүргізді: жанжалға қатысушы тараптардың мінез-құлық үлгілері, медиатордың іс-әрекет алгоритмі, шиеленісті төмендету және өзара қабылдауға болатын шешімге келу тәсілдері талқыланды.

Кездесу соңында курсанттар медиаторларды даярлау, медиацияның даму перспективалары және алынған білімді болашақ қызметтік қызметте практикалық қолдану мүмкіндіктеріне қатысты сұрақтар қойды.

Обновлено: 12.01.2026 12:53