Четверг, 16 октября 2025

Қазақстан Республикасы ІІМ Бәрімбек Бейсенов атындағы Қарағанды академиясының кәсіби даярлық факультетінде 4-курс тыңдаушыларына арналған «Қазақстан Республикасының Қылмыстық-атқару құқығы» пәні бойынша оқу сабағы ұйымдастырылды. Бұл шара Қазақстан Республикасының Қылмыстық-атқару жүйесі департаментінің тәжірибелі қызметкерлерімен бірлесіп өткізілді.

Іс-шараға Қазақстан Республикасының Қылмыстық-атқару жүйесі департаментінің аға инспекторы, әділет майоры Молдашов Тайжан Байжанович және Саран қаласы пробация қызметінің бастығы, әділет капитаны Байбахтина Дайана Саламатовна қатысты.

Сабақтың тақырыбы «Қоғамнан оқшаулауға байланысты емес жазаларды орындау тәртібі мен шарттары» болды. Кездесу барысында қылмыстық-атқару жүйесінің өкілдері бостандығын шектеу, қоғамдық және түзеу жұмыстары түріндегі жазаларды орындаудың ерекшеліктерін жан-жақты түсіндірді. Сонымен қатар, пробация есебінде тұрған тұлғалардың құқықтық жағдайы туралы баяндама жасалды. Ерекше назар пробация органдарының өзге мемлекеттік құрылымдармен өзара іс-қимылына және құқық бұзушылықтардың жеке алдын алу шараларының тиімділігіне аударылды.

Тыңдаушылар мамандарға өздерін қызықтырған сұрақтарын қойып, қылмыстық-атқару жүйесі қызметкерлерінің тәжірибелік қызметімен танысуға мүмкіндік алды. Осындай кездесулер болашақ мамандардың Қазақстан Республикасының қылмыстық-атқару заңнамасының мазмұнын терең түсінуіне және пробация органдарының қылмыстың қайталануын алдын алудағы рөлін ұғынуына ықпал етеді.

Обновлено: 16.10.2025 15:11