Среда, 24 декабря 2025

2025 жылғы 19 желтоқсанда Қазақстан Республикасы ІІМ Бәрімбек Бейсенов атындағы Қарағанды академиясының жалпы білім беретін пәндер және тілдік дайындық кафедрасының ұжымы Кеңес Одағының Батыры, әскери қайраткер, жазушы Бауыржан Момышұлының 115 жылдығына арналған «Даңқты қолбасшы Бауыржан Момышұлы: аңыз бен ақиқат» тақырыбында 1-курс курсанттарымен дөңгелек үстел өткізді.

Бұл іс-шараны тарихшы мамандар жүргізді. Курсанттар Бауыржан Момышұлының отансүйгіштікке толы ұлағатты сөздерін жатқа айтып, оның аңызға толы өмір жолын баяндамаларына арқау етті. Дөңгелек үстел барысында курсанттар батырдың өмірі мен қызметі туралы тереңірек мағлұмат алып, оның ерліктері мен мұраларын талқылады.

Обновлено: 24.12.2025 21:40