Пятница, 16 января 2026

Қазақстан Республикасы ІІМ Бәрімбек Бейсенов атындағы Қарағанды академиясына ҚР Ішкі істер министрінің орынбасары – Қылмыстық-атқару жүйесі комитетінің төрағасы Қайырбеков Абай Серікұлы жұмыс сапарымен келіп, оқу орнының қызметімен жан-жақты танысты.

Сапар барысында Қазақстан Республикасы ІІМ Бәрімбек Бейсенов атындағы Қарағанды академиясының оқу-материалдық базасы, білім беру процесін ұйымдастыру, курсанттарды даярлау жүйесі және тәрбие жұмысының негізгі бағыттары егжей-тегжейлі таныстырылды. Академияның заманауи аудиториялары, зертханалары және басқа да оқу орындары көрсетіліп, олардың курсанттардың кәсіби даярлығын арттырудағы рөлі атап өтілді.

Сонымен қатар, Қайырбеков Абай Серікұлы Қылмыстық-атқару жүйесі қызметкерлерімен кездесу өткізіп, саладағы өзекті мәселелерді талқылады. Кездесу барысында қызметтік тәртіпті нығайту, кәсіби дайындықты арттыру және қызметкерлердің біліктілігін жетілдіру бағытында пікір алмасты. Бұл кездесулер қызметкерлердің кәсіби деңгейін көтеруге және олардың жұмыс тиімділігін арттыруға бағытталған маңызды қадам болып табылады.

Обновлено: 16.01.2026 17:06