Пятница, 16 января 2026

Қазақстан Республикасы Ішкі істер министрінің орынбасары – Қылмыстық-атқару жүйесі комитетінің төрағасы Қайырбеков Абай Серікұлы Қазақстан Республикасы ІІМ Бәрімбек Бейсенов атындағы Қарағанды академиясына жұмыс сапарымен келіп, оқу орнының қызметімен жан-жақты танысты.

Сапар барысында академияның оқу-материалдық базасы, білім беру процесін ұйымдастыру, курсанттарды даярлау жүйесі және тәрбие жұмысының негізгі бағыттары таныстырылды. Академияның заманауи аудиториялары, зертханалары және оқу құралдары көрсетілді. Сонымен қатар, білім беру бағдарламаларының мазмұны мен курсанттардың кәсіби дағдыларын дамытуға бағытталған әдістемелер талқыланды.

Қайырбеков Абай Серікұлы Қылмыстық-атқару жүйесі қызметкерлерімен кездесу өткізіп, саладағы өзекті мәселелер, қызметтік тәртіпті нығайту және кәсіби дайындықты арттыру бағытында пікір алмасты. Кездесу барысында қызметкерлердің кәсіби деңгейін арттыруға бағытталған шаралар мен болашақтағы жоспарлар талқыланды. Қатысушылар өзара тәжірибе алмасып, қызметтік міндеттерді орындау барысында кездесетін қиындықтар мен оларды шешу жолдары туралы пікір алмасты.

Обновлено: 16.01.2026 17:06