Вторник, 17 декабря 2024

Тәуелсіздік күніне орай академиямыздың жалпы білім беретін пәндер кафедрасының бастығы Имажанова Гулмира Съезбековна, аға оқытушылар Өтебаев Дархан Сембайұлы, Тлеугабылова Каир Самигуловна және кәсіби-психологиялық даярлық ІІО басқару кафедрасының бастығы Баймұханов Ербақыт Мұхамедқалиұлы, ғылыми-баспа және редакторлық жұмыс бөлімі және тәрбие жұмысы бөлімінің ұйымдастыруымен курсанттарға арналған “Тәуелсіздік шежіресі” атты ерекше іс-шара өтті.

Іс-шара барысында сөз алған оқытушылар Қазақстанның Тәуелсіздікке жету жолындағы тарихи кезеңдер мен күрделі сынақтар туралы айтып, курсанттарға еліміздің қастерлі Тәуелсіздігі мен оны қорғаудағы ерлік туралы мол мағлұмат берді. Олар Қазақстанның бүгінгі жетістіктерінің Тәуелсіздікке жеткен жылдардағы қажырлы еңбек пен қиындықтарды еңсерудің нәтижесі екенін ерекше атап өтті.

Сонымен қатар, Қазақстан Республикасы Мәдениет және ақпарат министрлігі «Қоғамдық келісім» РММ жетекші сарапшысы, саясаттанушы, PhD Елдос Тәңірбергенұлы Жұмағұлов тәуелсіздіктің еліміздің дамуындағы маңызы туралы терең ойларымен бөлісіп, курсанттарды елінің тарихын, мәдениетін, бірлігін құрметтеуге шақырды.

Бұл іс-шара Тәуелсіздік рухын нығайтып, еліміздің ертеңі үшін ұрпаққа патриоттық тәрбие беруге бағытталған маңызды қадам болды.