Суббота, 22 ноября 2025

Қазақстан Республикасы ІІМ Бәрімбек Бейсенов атындағы Қарағанды академиясының ғылыми-педагогикалық магистратурасында қылмыстық процесс кафедрасының доценті, полиция полковнигі А.С. Ногайбаева «Сотқа дейінгі тергеп-тексеру барысында дәлелдемелерді қолдану» пәні бойынша «Тергеу және жедел органдардың өзара іс-қимылының нысандары мен әдістері» тақырыбында семинар сабағын өткізді.

Семинар барысында жедел және тергеу аппараттарының өзара іс-қимылының түсінігі мен мағынасына, сондай-ақ процестік және ұйымдастырушылық нысандарына қатысты мәселелер жан-жақты қарастырылды. Тыңдаушыларға тергеу және жедел органдардың өзара әрекеттесуінің тиімділігін арттыру жолдары түсіндірілді. Сонымен қатар, семинарда нақты мысалдар арқылы тергеу және жедел органдардың бірлескен жұмысының тәжірибесі талқыланды.

Бұл семинар Қазақстан Республикасы ІІМ Бәрімбек Бейсенов атындағы Қарағанды академиясының магистранттары үшін маңызды тәжірибелік білім көзі болып табылады. Мұндай іс-шаралар болашақ құқық қорғау органдарының қызметкерлеріне кәсіби дағдыларын жетілдіруге және тергеу процесін тиімді ұйымдастыруға мүмкіндік береді.

Обновлено: 22.11.2025 14:27