Суббота, 13 апреля 2024

08-13 сәуір аралығында әйелдер мен кәмелетке толмағандарға қарсы жасалған зорлық-зомбылық қылмыстарын тергеу жөніндегі аумақтық бөлімшелердің тергеушілері үшін біліктілікті арттыру курсы өтті. Оған еліміздің әр өңірінен 42 тергеуші қатысты.

Бір апта ішінде тергеушілерге ІІМ Қарағанды академиясының, Прокуратура мен облыстық соттың және полиция департаментінің білікті мамандары жылдар бойы жинаған тәжірибелерімен бөлісіп, білім берді.

Сондай-ақ, оқудан бөлек бос уақытты тиімді, әрі пайдалы өткізу мақсатында Станислав атындағы театрға, Қарағанды қаласының музейіне және Долинка кентіндегі саяси қуғын-сүргін құрбандарын есте сақтау музейіне экскурсия жүргізілді.

Құрметті офицер мырзалар!

Сіздерді оқуды сәтті аяқтап, сертификат алуларыңызбен құттықтаймыз! Егемен еліміздің дамуы жолында атқарып жатқан қызметтеріңізге сәттілік, алға қойған мақсаттарыңызға жетулеріңізге тілектеспіз. ІІМ Қарағанды академиясының қабырғасында алған білімдеріңіз кәсіби, өмірлік және мансаптық шыңдарды бағындыруға көмектеседі деп сенеміз!