Пятница, 11 октября 2024

2024 жылдың 8 қазанында Жас оқытушы мектебінде «Жоғары мектепті заманауи оқыту дағдылары» тақырыбында Академия бастығының орынбасары полиция полковнигі О.Т. Сейтжанов сабақ өткізді.

Сабақты өткізу барысында «оқытушы – Білім беру ортасы – қызметтің қол жеткізілген нәтижесі» педагогикалық жүйесінде бұл құзыреттілік инновациялық кәсіби қызметке бейімделу процесін айқындайтын жүйе құраушы болып табылатыны атап өтілді. Оқытушының бұл құзыреті жеке және кәсіби өзін-өзі бағалауды алудың, өзінің кәсіби өсуін болжаудың өзіндік ерекше жеке іскерлік және кәсіби тәсілін көрсетеді.

«Жоғары оқу орнының оқытушылары инновациялық тұжырымдамаларды ұстануға және интерактивті педагогикалық әдістерді қолдануға, білім алушылардың білімі мүддесінде жаңа коммуникативтік және ақпараттық технологиялардың мүмкіндіктерін пайдалануға тиіс. Заманауи оқытушы өзінің кәсіби қызметін сыни тұрғыдан түсінуі керек. Инновацияларға ашық болу және заманауи технологиялар мен әдістемелерді оқу процесінде белсенді біріктіру маңызды», — деп атап өтті Олжас Теміржанұлы.