Пятница, 28 февраля 2025

2025 жылғы 26 ақпанда бейінді оқу орындарының курсанттары арасында ұйымдастырылған «Қазақстан Республикасының қылмыстық құқығы» пәні бойынша халықаралық олимпиада өтті. Зияткерлік сайысқа келесі командалар қатысты: Қазақстан Республикасы ІІМ Қарағанды академиясы; Ресей ІІМ Барнаул заң институты; Ресей ІІМ Уфа заң институты.

Олимпиада модераторы ІІМ Қарағанды академиясының қылмыстық құқық және криминология кафедрасының аға оқытушысы Арынова А.Н. Олимпиада қылмыстық құқық саласындағы теориялық білім мен практикалық дағдыларды тексеруге бағытталған үш тур форматында өтті:

1 тур «Жаттығу»: қылмыстық құқық бұзушылықтардың құрамдарын білуді тексеретін блиц-сауалнама.
2 тур «Үй тапсырмасы»: командалардың қылмыстық құқықтың өзекті мәселелері бойынша алдын ала дайындалған материалдарды ұсынуы.
3 тур «Сөзжұмбақ»: қылмыстық заңнама терминологиясын терең түсінуді талап ететін мамандандырылған сөзжұмбақты шешу.

Олимпиада барысында қатысушылар қойылған сұрақтарға толық және дәлелді жауаптар бере отырып, қолданыстағы Қазақстан Республикасының Қылмыстық кодексін жоғары деңгейде білетіндерін көрсетті.

Олимпиада қорытындысы бойынша орындар келесідей бөлінді:
1 орын: Ресей ІІМ Уфа заң институты;
2 орын: Қазақстан Республикасы ІІМ Қарағанды академиясы;
3 орын: Ресей ІІМ Барнаул заң институты.

Олимпиадаға қатысқан барлық курсанттар өздерінің жоғары білім деңгейі мен кәсібилігін растайтын грамоталармен және дипломдармен марапатталды.
Ұйымдастырушылар мұндай іс-шаралар білім беру саласындағы халықаралық ынтымақтастықты нығайтуға және болашақ заңгерлерді даярлау сапасын арттыруға ықпал ететініне сенімді.