Қазақстан Республикасы ІІМ Қарағанды академиясының қылмыстық процесс кафедрасы «ZOOM» платформасын пайдалана отырып, «Қазақстан Республикасының қылмыстық іс жүргізу құқығының теориясы» тақырыбында онлайн-дәріс ұйымдастырды. Дәріскер Қазақстан Республикасы Бас прокуратурасы жанындағы Құқық қорғау органдары академиясының арнайы заң пәндері кафедрасының профессоры, з.ғ. к., әділет кеңесшісі Хан Виталий Вячеславович болды. Дәріс барысында қылмыстық сот ісін жүргізу саласының өзекті мәселелері, осы саладағы басымдықтарды қайта бағдарлауға байланысты тұжырымдамалық өзгерістер, жаңа іс жүргізу институттары, қылмыстық процестің қағидаттары, қылмыстық сот ісін жүргізу нысандарын саралау және қылмыстық процестің тиімді және оңтайлы моделін құруға бағытталған басқа да жаңалықтар қаралды.