Мамандық таңдау – бұл адамның өмірдегі ең маңызды шешімдерінің бірі, себебі барлығымыз жұмыстың қуаныш әкелуін, лайықты төленуін және мүмкіндіктерге сәйкес келуін қалаймыз. Мамандықты таңдауда бірқатар түсініксіз мәселелер туындауының себептерінің бірі – әртүрлі мамандықтар мен қажетті білім алуға болатын оқу орындары туралы ақпараттың жетіспеушілігі. Мамандық таңдау кезінде мектеп оқушыларында көптеген сұрақтар туындайды, осыған байланысты № 21 орта мектепте оқу-әдістемелік орталықтың қызметкерлері кәсіптік бағдар беру жұмыстарын жүргізді. Оқу-әдістемелік орталығының қызметкерлері оқушыларды оқуға түсу тәртібімен, Қарағанды Академиясында оқудың артықшылығымен таныстырды, бейнеролик көрсетті, сұрақтарға жауап берді, буклеттер таратты. «Академияда оқу – бұл сапалы білім және кепілдендірілген тұрақтылық», – деп Оқу-әдістемелік орталығының қызметкерлері өз сөзін аяқтады.