Академия қабырғасында криминалистика кафедрасы Қарағанды облыстық адвокаттар алқасының адвокаты Садуақасов Ибрагим Берікболұлының қатысуымен кәсіби даярлау факультетінің 3 курс курсанттары үшін «Сотқа дейінгі тергеп-тексеру барысында адам құқықтарын қорғау» тақырыбында семинар-тренинг өткізді. Маман тергеу барысында адам құқықтарын сақтау мәселелерін атап өтті, сондай-ақ адвокаттық жұмыс тәжірибесінен алынған материалдар көрсетілді. Сондай-ақ, болашақ тергеушілер мен криминалистер қызықты сұрақтармен қатар Ибрагим Берікболұлынан нұсқаулар, кеңестер мен ізгі тілектер алды.